الأمر ٢ من ٨أمر صور
/metaadsإعلان سوشيال ميديا احترافي
لو أرسلت له صورة أي منتج، يطلع لك صورة إعلان احترافية جاهزة تستخدمها في إعلانات إنستغرام وفيسبوك وسناب.
وش ترسل له؟
صورة المنتج + جملة عن جمهورك (اختياري): «للأمهات»، «للشباب»، «لمحبي القهوة».
وش يطلع لك؟
تصميم إعلاني مربّع أو عمودي: المنتج في المنتصف، خلفية نظيفة بألوان متناسقة، مساحة فاضية للعنوان والسعر.
كيف تستخدمه؟ ثلاث خطوات
- ١
ارفع صورة المنتج.
- ٢
اكتب: /metaads — وأضف الجمهور والمقاس: «للستوري 9:16، جمهور نسائي».
- ٣
بعد ما تطلع الصورة، اطلب نسختين أو ثلاث بألوان مختلفة عشان تجرّب (A/B).
السر: البرومبت الكامل وراء الأمر
/metaads ما هو زر سري في ChatGPT — هو اختصار يفهمه ويوسّعه إلى التعليمات هذي. انسخها إذا تبي نتيجة مضمونة، أو تستخدمها في Claude وGemini.
البرومبت — انسخه كما هو
استخدم صورة المنتج المرفقة. صمّم صورة إعلان احترافية لإعلانات إنستغرام وفيسبوك: المنتج هو البطل في المنتصف، خلفية استوديو نظيفة بلون واحد متناسق مع ألوان المنتج، إضاءة ناعمة، ظل خفيف واقعي، عناصر بسيطة حول المنتج توضّح فائدته. اترك مساحة فاضية في الأعلى للعنوان وفي الأسفل للسعر، ولا تكتب أي نص. المقاس 1:1، جودة عالية.
جرّب هذي التنويعات
- «/metaads 9:16» — مقاس الستوري والريلز.
- «/metaads بأجواء رمضانية» — فوانيس وهلال وألوان دافئة.
- «/metaads خصم» — مساحة أكبر لعرض السعر القديم والجديد.
لمن ينفع؟
- ←متجر صغير ما عنده مصمم ولا ميزانية استوديو.
- ←مدير حسابات سوشيال ميديا يحتاج ٥ تصاميم في الأسبوع.
- ←أي شخص يبي يجرّب إعلانًا مدفوعًا قبل ما يستثمر في تصوير احترافي.
النتيجة تختلف من مرة لمرة ومن نسخة لنسخة. إذا ما طلعت زين، ما فيه شي فيك — أعد المحاولة بالبرومبت الكامل، ووصّف اللي تبي تغيّره بجملة واحدة واضحة.
أسئلة شائعة
ليه ما يكتب النص على الصورة؟
لأن النص المولّد أحيانًا يطلع فيه أخطاء، خصوصًا بالعربي. الأفضل تضيف العنوان والسعر بنفسك في Canva أو مدير الإعلانات — عشان كذا نطلب منه يترك مساحة فاضية.
أي مقاس أنسب لإعلانات ميتا؟
1:1 للمنشورات، 4:5 للخلاصة (Feed)، و9:16 للستوري والريلز. اكتب المقاس بعد الأمر مباشرة.
عندك أمر تبي نشرحه؟ أو نتيجة تبي تشاركها؟
راسلني على لينكدإن