الأمر ٣ من ٨أمر صور
/showcaseتصوير منتج استوديو
لو أرسلت له صورة أي منتج، يطلع لك صورة للمنتج بشكل واضح واحترافي جدًا كأنه متصوّر في استوديو بمصور محترف.
وش ترسل له؟
صورة المنتج من أي زاوية — حتى على طاولة أو أرض المستودع.
وش يطلع لك؟
صورة كتالوج: المنتج على خلفية استوديو بيضاء أو رمادية، إضاءة ثلاثية النقاط، انعكاس خفيف، تفاصيل واضحة.
كيف تستخدمه؟ ثلاث خطوات
- ١
ارفع صورة المنتج.
- ٢
اكتب: /showcase — وحدّد الخلفية إذا تبي: «خلفية بيج فاتحة» أو «رخام أبيض».
- ٣
اطلب «نفس المنتج من ٣ زوايا» عشان تعبّي صفحة المنتج كاملة.
السر: البرومبت الكامل وراء الأمر
/showcase ما هو زر سري في ChatGPT — هو اختصار يفهمه ويوسّعه إلى التعليمات هذي. انسخها إذا تبي نتيجة مضمونة، أو تستخدمها في Claude وGemini.
البرومبت — انسخه كما هو
استخدم صورة المنتج المرفقة. أنتج صورة تصوير منتجات احترافية بأسلوب استوديو تجاري: المنتج في المنتصف على خلفية استوديو ناعمة (أبيض إلى رمادي فاتح)، إضاءة ثلاثية النقاط، ظل ناعم تحت المنتج، انعكاس خفيف، حدة عالية وتفاصيل واضحة، بدون أي عناصر إضافية أو نص. حافظ على شكل المنتج وألوانه بدقة. صورة واقعية بجودة كتالوج.
جرّب هذي التنويعات
- «/showcase على رخام» — للعطور والمجوهرات والقهوة المختصة.
- «/showcase بخلفية سوداء» — للإلكترونيات والمنتجات الفاخرة.
- «/showcase ٣ زوايا» — أمام، جانب، وقريب على التفاصيل.
لمن ينفع؟
- ←بائع في سلة أو زد يبي صور موحّدة لكل المنتجات.
- ←أسرة منتجة تصوّر منتجاتها بالجوال وتبيها تبدو احترافية.
- ←شركة تحضّر كتالوجًا بدون تكلفة استوديو.
النتيجة تختلف من مرة لمرة ومن نسخة لنسخة. إذا ما طلعت زين، ما فيه شي فيك — أعد المحاولة بالبرومبت الكامل، ووصّف اللي تبي تغيّره بجملة واحدة واضحة.
أسئلة شائعة
هل يستبدل مصوّر المنتجات؟
لصفحات المتجر والسوشيال ميديا، غالبًا يكفي. للطباعة الكبيرة أو المنتجات اللي تفاصيلها حساسة (مجوهرات، أقمشة)، التصوير الحقيقي لا يزال أدق.
الصورة الأصلية فيها فوضى في الخلفية، يضر؟
أقل ما يكون أفضل، لكن ChatGPT يعزل المنتج غالبًا. إذا تعثّر، قل له: «اعزل المنتج فقط وتجاهل الخلفية الأصلية».
عندك أمر تبي نشرحه؟ أو نتيجة تبي تشاركها؟
راسلني على لينكدإن